Gatzaren Museoa Leintz Gatzagan kokatuta dago, herria eta bertako gatz-produkzioa babesteko eraiki zen garai bateko Dorletako gazteluaren ondoan. Ur gaziaren iturriaren inguruko jarduera honek eragin zuen herriaren sorrera eta izena ere man zion. Bertako klima hotz eta hezearen ondorioz, gatzaren ustiapena ez zen eguzkiaren bidezko lurrinketa-sistema erabiliz egin, baizik eta prozesu berezi bat erabilita: egurrez elikatutako suaren bidez ura berotuz bereizten zuten gatza.

1980. hamarkadan zaharberrituta, Agarrekoa da Gipuzkoan geratzen den XVI. mendeko garaia bakarra. Haritz egurra erabilita eta iltzerik gabe dago mihiztatuta. Teilatuaren azalera 100 metro koadrotakoa da, barrukoaren halako bi. Hegal zabal horrek hezetasunari aurre egiteko ezinbestekoa da. Barruan, bi ganbaratxo eta solairu nagusia ditu. Azken honek hiru zati ditu: alboetako bi idortegiak eta erdiko gela, karraskariengandik babesteko. Azken honetan, gaztainondo egurrez egindako kutxa sendo bat dago. Kutxaren neurriak aintzat hartuta, gelan bertan egin zela ondorioztatzen da, ezinezkoa baita atetik horrelakorik sartzea. Garia eta artoa bananduta gordetzen ziren kutxa honetan.